Pamaristscha andi „Lebenswart“

O pamaristscha le terdschavipeskere dromestar le burgenlanditike autoristar Peter Wagner pisim ule. On phukan andi poesijakeri forma pedar saki jekoschni schtacijona.


O asajipe le hischostar
Kada o hischo pedar o than alo ojs erschti lakipe la sorala schöpfungatar, oda  gledalinipe odolestar so adaj sina, savo pe buter lestar pal te cidel na dschanlahi, rodnahi pal jek than, mint te o afka na phenipe taj na upre likeripe iste valakaj dschil, kaj lo khereste te ol. O manuscha andi phuv hanahi taj afka o fali kerde. On deski use jek mosto khetan segesinde. On le hischoske o lek feder gada dine, save o dschivdo ando lek feder dschivipeskere cajtscha ledschija. Afka probalinde on, o mulipe ando latschipe te likerel. Ov butvar te latsche sikatscha pe. Ando koja söbst, ojs lek soraleder lakipe la schöpfungatar, ham nana lo asaj latscho. O dikipe le mulipestar, nisaj sekundi vert ham jek evigkajt, mindig jeke kokalengere duach borinipeskere asajipeha vodim sina. So o manuscha meg pasche o dikipe kernahi, sar on le ando thema ulavnahi taj ando hirarchiji falati kernahi, kaj lengero schukar dschivipe bajder o erschti than ande te lel, pedar oda o mulipe imar dur na vakerlahi, ov tschak pedar te asal dschanlahi.

(Schtacijona "Friedhöfe", Oberwart)


Sar o inslini kerde ule
Kada pumen o inslini andar jek schutschipe le selene bare pajendar sar jek dumo bare reptilijendar upre asdine, erschtivar jek na latschipe esbe line. On aun pumen diknahi taj dschanahi, hot on na dschana pascheder te bujinel taj pe avrijal aun te dikel, sar on le akan andar o nisaj cajtakero duripe keren. Ko pe ham andar o baro selenipe le bare pajendar ari asdel, na kerel le, vascho schutscho paschlojipe, taj afka o inslini jek latscho gondo pumenge kerde: On flogo pumenge kerde, savo naschlahi, urtschalahi taj usinlahi, savo o mogi le kaschtendar taj la tscharatar taj obstistar usar jek inslina usi avri ledschlahi taj afka le inslinenge mindig jek blijanipe kerlahi. Ham meg mindig i hori, butvar loki garudi melancholija ando teschti le inslinendar paschlovlahi. On phenahi, hot pharikane taj barikane hi le taj le cile flogi, save bejg vaj use cidnahi  jeke na latsche gondoha aun diknahi, saveske oda o ajgeni hi, savo pe ande dschivtscha ando ajgeni and tschapinipe.
(Schtacijona "Romanische Kirche", Siget)

  • Pamaristscha
  • Bajke
  • A mesék
  • Die Märchen